Yoh ka Barato Police Outpost ya ka yung wa pura ha i thaw wa heh 4.6 Acre

Ka yung krehkaam wa pura ka Barato Police Outpost da wai ka haka 9 tarik uni u bnai May da u Deputy Chief Minister uwa pait ya ka Home (Police), u Prestone Tynsong hei emlang u Deputy Chief Minister, u Sniawbhalang Dhar, u MLA ka Mowkaiaw, u Nujorki Sungoh wa ka Director General of Police, ka Idashisha Nongrang.

Ya ka Outpost da chna ha i thaw wa heh 4.6 Acre wa e sñiawbha da ka chnong Barato wa ka (T) ka Profitable Dkhar ha u 2017.

U Prestone Tynsong hawa e i klam da ong u wa kani ka Outpost deiwa yoh ko ya ka yung krehkaam wa pura daw pynsuk ko yei chakri ya ki paidbah.

Da sñiawskem u wa ki pulit u krehkaam ki khnang wow ye ki u pynneh yei chongsuk.

Related posts

Da i dud thæh ki Youth Congress ha i dur u Rahul Gandhi wa pynyoo oo kam u Blai wow lehkmen yei dap snem u

June 19, 2026

Nei syllen ki loom du 1.86 Billion Cubic Lt na ka 63.2 Billion Cubic Lt ka um wa ye u pynlang kawa boon kai ko cha Ri Thor

June 19, 2026

Chooh chooh da pynchlur u ya ki paidbah wow syndong ya kani ka yung wei wow kyrchaan ya ki pulit wow pynkrehkaam ya ki kyndon ka aiñ deiwa kyntu wow em i yakrehlang.

Ka Idashisha Nongrang da pyntip ko wa ya ka Barato Outpost da pdiang ha u November 2022 katkam wa dawa i kaam heiwa i em yong ka da ye u krehbha wa ki chnong wa marjan.

Da kubur ko leh yei eh i khor wa chem ki paidbah wa sah ha khappood wa ka Assam deiwa kular wa kani ka Outpost daw yarap ko wow pynneh yei chongsuk.