theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Yoh ka chnong Moolang ya ka Yung Dorbar kawa T. 19 Lak

Advertisement ad1

Ka chnong Moolang East Jaiñtia Hills da yoh ko ya ka Yung Dorbar namo ka Community Hall wa wan wai paidbah da u MLA ka thaaiñ, u Kyrmen Shylla kam u kongsan katwa u Phasmon Dkhar uwa man u Executive Member ka JHADC da man u kam u symbood kongsan hei emlang ki khon ka chnong waroh kawi. 

Ha kani ka sngi da pynkup burom ya ki waheh chnong kamjooh ya ki Secretary chnong warim yong ka chnong. 

Ha kani ka sngi ya ka yalang da pynlai da u Waheh Chnong, u Kwen Shylla heiwa da yoh yei klam na u Rev. S. Siangshai, u Tymmen Basan P. Siangshai wa kiwi kiwi.

Neiliang u Phasmon Dkhar da e yaroh u ya kiwa kitkaam ka chnong kiwa da pynkreh hok ya ki Scheme wa da yoh ka chnong heiwa da kular u leh wow e yarap T. 3 lak wow chna ya ka paikhana ka Evermore Secondary School kawa pynlai da ka chnong. 

U Kyrmen Shylla da ong u wa i kreh chitom ka chnong da ye wow pyndep ya kani ka yung dorbar deiwa ekhublei wei yaroh leh ya u Phasmon Dkhar wa da e chiboon ka Scheme neibynta ini i kreh. 

Da kyntu u leh ya kiwa kitkaam ka chnong wow kreh chirup wa kiwa mihkhmat yong ki khnang wow ye chooh u wanrah ya ki kaam pynroi hapoh ka chnong. 

Ha kani ka yalang neiliang u waheh chnong da kyrpaad u ya kiwa mihkhmat wow dang e yarap ya ka chnong wow wanrah ya ki Scheme waphær waphær nadooh ka um, ki luti syngkieñ wa kiwi kiwi ki kaam wow myntoi ki paidbah ka chnong. 

Ya kani ka yung dorbar da chna ha i lut wa T. 19 lak heiwa u Phasmon Dkhar (MDC) da e u T. 10 lak, u Kyrmen Shylla (MLA) da e u T. 5 lak, u Justine Dkhar (MLA warim) T. 2 lak katwa u Nehlang Lyngdoh (MLA warim) T. 2 lak.

Share this:
Previous

I JHEP I JHEP

Next

Da pynman ya i pynsñiawthooh hajrong i chait i khiah i poh-ktien ha NEIGRIHMS