Kam chibynta wow yarap pynyoh thaw yachem kamjooh i thaw booh ya ki mar rep, da wai ya ka Agricultural Storage Unit-cum-Community Hall wa da pynchna hapoh ka DMF Scheme, East Jaiñtia Hills District yong u snem mang tangka 2024–25 deiwa kyrchaan leh da ka Dorbar Chnong, Moopala heiwa da wai ka ha ka 3 tarik da ka MLA ka Sutnga-Saipung, ka Santa Mary Shylla.
Ka MLA ha kani ka yalang da saam ko leh ya ki Work Order wa Rs. 5 lak hapoh ka Special Rural Works Programme (SRWP) yow pynchna pynmiatdur chooh chooh ha ki rood ki kiar kani ka Community Hall.
Neiliang u Deputy Commissioner ka East Jaiñtia Hills District, u Shivansh Awasthi da e khublei u ya chnong Moopala yeini wa ye ki wow chna pyndep ya kani ka Agricultural Storage Unit-cum-Community Hall wei ini toh deiwa man ka District kawa da kyrkhu da kiwa boon ki jait mar iwa pynman ya ki karkhana wow em ki boon tylli kiwa da kynchew won cha ka District Mineral Fund (DMF) kawa da pynemkaam kylla yow chna u tei ya kiwa boon ki jait nadooh ki madan yalehke, ki thaw e sikai wa kiwi de.
Da khana u leh wa da soi soskular wa ka Mih-Myntdu Community Social Welfare Association (MCSWA) yow chna ya ka Drug Rehabilitation Centre heiwa i kreh toh iwa da lai chakhmat wei ya kani leh da chna da ka poisa ka DMF.
Discussion about this post