I chna ya ki madan Futsal lyngba ka DMF, East Jaintia Hills kiwa da sdang na Khliehriat ha u snem 2024 da ptieñ sa cha kiwi ki chnong wa em cha palatsor kam ha Saipung, Sohkymphor, Mukhaialong wa kiwi de wei ha kani ka kynti da wai sa kawi ha Ratacherra da ka MLA ka Sutnga-Saipung ka Santa Mary Shylla deiwa emlang u Deputy Commissioner ka District, u Shivansh Awasthi, u BDO ka Lumshnong Block, u M. Kyndait, u Waheh Chnong ka Ratacherra, u Pynkhlainbor Dhar, ki khynnah skur wa kiwa chong chnong ka thaaiñ.
Ka MLA hawa e yei klam da pynchlur ko ya ki khynroo wow chimkhia ya ki yalehke Sports yow lait ki na ki kaam wa sih deiwa kyntu leh ya ki bei ki pa wow e mynsien ki ya ki khon ki kti yow yoh ki yei doh i pran iwa chait kamjooh i bor pyrkhat.
Da khana ko leh wa daw chna yei kynroh ha soodong ka madan hei lut wa Rs. 15 lak kam wow yada ya kani ka madan wei da pyntip ko leh wa ka chnong Umkiang leh daw yoh ko ya kawi ka madan Futsal ha kini ki sngi wow wan.
Discussion about this post