15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Yoh ka chnong Saphai yei pynsñiawthooh chaphang ka Sexual Harassment

0 Comments

Jowai: Kam chibynta wow yada ya ki khon khynroo khyllood na i lai luti bakla haka kaam chongkha chongman, ka Saphai Multipurpose Cooperative Society Ltd. da pyman ko ya ka e sikai wow pynsñiawthooh paidbah hajrong ka “Sexual Harassment”.

Ha kani ka sngi ka 26 tarik da emlang u waheh chnong Saphai, kiwa sikai, ki manbei, ki khon khynroo khyllood ka chnong, ki khynnah skur ka Sacred Heart Secondary School, Saphai wa ki dkhot ka Society.

Ha kani ka yalang, ya ki ktien maitphang da yoh na u Secretary ka Society u Leikirichard Tyngkan, da yoh yei klam na u waheh chnong uwa ong wa hei yong sakhiat ym du ki khynthai wa em hok wow pynchitom yaki chynrang wei boonsien ki khynthai leh ki pharep ki yaki chynrang kamtæ ki chynrang leh em ki ka hok wow pynchitom yaki khynthai, da kyrpaad u leh wa ya kiwa pait yaka aiñ wa toh u pynmih kyndon neibynta ki chynrang leh.

Da yoh yei klam leh naka R.M. Suchiang kawa wan naka chnat pulit kawa ong wa ka “Sexual Abuse” em ko ha ki le bynta 1) i ksoh bor wa i slaitbor 2) I doh i dait yabor 3) I pynyoo da ki Video jakhlia. Kini haap ki ha ki jar jiar ki kyndon ka aiñ wei ki kyndon wa khor dooh toh ya kiwa slaitbor ya ki khynnah wa em hapoh 18 snem i rta.

Da yoh leh yei klam naka P. Marweiñ kawa naka chnat Social Welfare kawa ong wa ha kani ka juk wa katni, ym du ki khynthai wa chah ksohbor, hadooh ya ki chynrang leh jai ya ki, da ong ko leh wa boonsien ki khynthai ki chah ksohbor ki naka riam ka bait, ka lai miet cha wa palat por, kani da pynman ko ya ki khynthei wow chah ksohbor, da pynrap ko leh wa lada ki khon yong i ki chongkha lane chah ksohbor hapoh ka rta wa 18 snem, ini daw ktah ko leh ya ka chait ka khiah, da yoh i batai leh naka Monjurlang Suchiang kawa man kam ka muktiar kawa ong wa boonsien leh ki khon kynthai yong i poi ki cha ka chongkha khynnah dang ha i por wa dang em hapoh i puræ neidaw wa smat ki u yalang chan dang na i rta wa 15-16 snem, kamtæ da kyntu ko ya ki manbei manpa wow sneiñ wow kroo bha yaki khon ki kti khamtam haki rta wa dang hapoh ka 18 snem, neidaw wa ka aiñ ym chah ko ya ki khynnah wow chongkha hapoh ka rta kawa 18 snem.

Ya kani ka yalang da pynkut da ki ktien e khublei na u President ka Society u Balawan Suchiang.

Advertisement ad1

0 Comments

Leave a Reply