Yoh ka Dorothy Tariang ya ka Gold Medal kam ka Topper kiwa lai puræ MBA ka Assam Don Bosco University

Ka Dorothy Roy Tariang da jop ko ya ka Gold Medal kam ka Topper kiwa lai puræ MBA ka Assam Don Bosco University.

Ka Dorothy da yoh nyngkong ko deiwa yoh ya ka Cumulative Grade Point Average (CGPA) kawa 9.29 na ka 10.0.

Ka bei ko toh ka Dr. Iwbih Nylla Tariang, kawa man kam ka Senior Veterinary Officer hapoh ka sorkar Meghlaya wei u pa ko toh u Journalist uwa tip kam u Dr. Anirban Roy kiwa em yung ha Mynthong, Jowai.

Ka Dorothy Roy Tariang da pyndep ko yei puræ pynpliah neibynta ka Human Resource Management ha ka MBA wei da man ko ka sien wa nyngkong wa em ka kynthai kawa na Meghalaya wa yoh u man Topper na kiwa lai puræ MBA hapoh ka Assam Don Bosco University.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya kani ka Gold Medal da e cha ka ha ka 12th Convocation ka Assam Don Bosco University kawa da pynman ynnin i janmiet ha Tapesia Campus hajan Guwahati.

Ka Dorothy dei mynsien wa kmen da ong ko wa kwah ko wow kreh neibynta i roi i paar ka Meghalaya.

Chwa wow lai puræ MBA ko, da pyndep ko ya ka Graduation ha ka English Literature na Amity University.

Ya kani ka pynkup burom da wan wow leh da u Lat ka Assam, u Gulab Chand Kataria uwa man leh kam u Visitor ka Assam Don Bosco University deiwa emlang u Chancellor ka Assam Don Bosco University, u Fr. Januarius Sangma wa u Vice Chancellor ka Assam Don Bosco University, u Fr. (Dr.) Jose Palely.

Ki Gold Medal da saam cha ki 36 ngut kiwa pyndep ya ka puræ kiwa yoh ya kawa heh dooh ka Cumulative Grade Point Average (CGPA) ha jar jiar ki puræ yong ki.