theme-sticky-logo-alt
theme-logo-alt
Advertisement ad1
Advertisement ad1

Yoh ka Iooksi Pyllun ya kiwa kitkaam wa thymme

Ha ka 22 tarik uni u bnai ka Iooksi Pyllun, West Jaiñtia Hills kawa kynthup ya ki 5 tylli ki chnong kiwa haap hapoh ka chnong Iooksi kam ka Iooksi Iapkhla, Iooksi Kyanmynsar, Iooksi Priang, Iooksi Umdeinlin wa Iooksi Tongkiad da yoh ko ya kiwa kitkaam wa pura yong ka neibynta ka samoi krehkaam wa 2021-22.

Ya kini kiwa kitkaam da pynskem wei da yahkhmat wow chim ya ki kyntien kular da u Raphael Rabon uwa na ka chnong Iooksi hi.

Hawa e i klam ha ka yalang pynskem ya kiwa kitkaam ka Iooksi Pyllun, u Raphel Rabon da yaroh u ya kiwa kitkaam ka Iooksi Pyllun kiwa da pynskem hajrong i chynna jngai yong ki wow wanrah ya i tylli hapyrdi kiwa chong chnong waroh kawi. Da ong u leh wa ka chnong Iooksi embhah ko wow yoh kam kini kiwa kitkaam kiwa pyrkhat jngai wei kiwa saiñdur ya ka chnong ka thaw deiwa pyndooh ya i sñiaw yaphær Dong wa i yaphær ha i ngait.

Ha kani ka sngi da yoh leh ya i pynlait ya i sur rwai Snem Thymme yong ka chnong Iooksi Pyllun da u Nehemayah Tyngkan wei da pynchongchit leh ya ki paidbah da i rwai na ka Hilari Sumer kawa man ka Finalist ha ka Jaiñtia Got Talent 2021, neitæ da pynwyrngia ya ki paidbah da i tem na ka dhab u DJ Wanchan.

Ha kani ka sngi da pynman leh ya ka lehkmen Advance Christmas wa New Year heiwa da yoh ya i saam ya ka Wyrta Christmas na u Pastor Emlangki Sapuh wa i duwai na ka Sister wei da ah leh ya u Cake Christmas wa i dih cha sñiawbha.

Kiwa kitkaam wa da jied man ki kamni hawah:

U Leonard Rabon kam u Waheh Chnong Iooksi Kyanmynsar kam u President, u Complain Tangliang Waheh Chnong Iooksi Iapkhla kam u Secretary, u Kyrshan Chullet Waheh Chnong Iooksi Priang kam u Vice President, u Kolin Lamare Waheh Chnong Iooksi Tongkiad kam u Asst. Secretary, u Nangaibormi Sutnga Waheh Chnong Iooksi Umdeinlin kam u Publicity Secretary, Francis Syrti Secretary Iooksi Chnong Iooksi Kyanmynsar kam u Treasurer, u Stableson Syiem Secretary Chnong Iooksi Umdeinlin kam u Auditor, u Elisha Sayoo Secretary Chnong ka Iooksi Priang kam u Auditor, wa ki dkhot kiwa kynthup ya u F. Synnah, Secretary Chnong Iooksi Tongkiad, wa u Ioanis Manner Secretary Chnong Iooksi Iapkhla.

Share this:
Previous

Yei yi u pynhun?

Next

Khlaad noh u Ma Maloi Siangshai