theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh ka Johnson & Johnson yei mynjur wow pynemkaam yei tika yong ka hapoh India

Advertisement ad1

I tika yada COVID-19 wa chna da ka Johnson & Johnson ka Pharmaceutical Company kawa na USA iwa pynemkaam deiwa Inject du chisien heiwa kiwi ki tika toh kiwa emkaam wow e Inject arsien da yoh i yei mynjur wow pynemkaam hapoh India hapoh ka Emergency Use Authorisation.

Ya ini da pyntip da u Montri ka chnat i chait i khiah ka ri u Mansukh Mandaviya deiwa ong leh wa ka India kattu da em ko 5 tylli ki tika kiwa da chah wow pynemkaam wa kynthup ya iwa chna da ka Serum Institute i Covishield, iwa chna da ka Bharat Biotech i Covaxin, i Sputnik V iwa chna da ka Russia wa i Moderna.

Ka Johnson & Johnson da paan bor ko wow pynemkaam yei tika yong ka ha ka sngi thohdieñ heiwa da e bor pyn ha ka jooh ka sngi da ka Drugs Controller General of India (DCGI).

Ka sorkar India da dep chwa ko wow pynbna wa yow smat u pynyoh ya ki tika hapoh ka ri, da rai wa kitu ki tika kiwa da mynjur da ki bor wa pait yeini kiwa em hapoh ka ri US, UK, Japan waka European Union lane da kiwa mynjur da ka WHO wa ym emkaam de ki wow pyrchang chwa yei tika ki namo ki Clinical Trial hapoh India.

Share this:
Previous

Da chah ya kiwa lai yaleh Exam chipai wow pynemkaam da ki kari kamai

Next

T. 1 klur u e ka Manipur ya u Neeraj Chopra uwa yoh takma ksiar ha ka Olympics