Yoh ka JSM wow yachem wa u Conrad hadien wa rah lama yong

Hadien ka yakhih rah lama yong ka JSM wow dawa na ka sorkar u wai noh ya u mooyong, kawa pynman ynne ha Kongong, EJH, neiliang u Montri Rangbah, u Conrad K Sangma da khut yaklam u ya kiwa yahkhmat ka seiñ ha ka yalang wa pynman ha Lumshyrmit.

Hei yaklam wa u Conrad, ka seiñ da yoh ko wow pynsñiaw kamjooh wow e kti ya ka dorkhat yow dawa na ka sorkar Meghalaya u wai noh ya u mooyong kamjooh wow chimkhia yei eh ki paidbah kiwa chaniah hei kaam tih mooyong.

Ka JSM da pynsñiaw ko wa i khang yei tih mooyong da ktah joor ko yei yoh i kot ki paidbah ha Jaiñtia Hills, kamtæ da kyrpaad ya ka sorkar wow pynkylla ya ka SOP neibynta u tih mooyong kamjooh u pynduna ya ka 100 Hectare cha ka 4 Hectare khnang wa ki tre paar mooyong u yoh ki u kreh waroh.

Ka seiñ da pynsñiaw ko yei kyrmen wa ka sorkar jylla u chimkhia ko ya ini wa dawa wow wanrah noh yei pynbait iwa daw yarap ya ki paidbah ka thaaiñ.

Related posts

Pynkup burom ka HBDRF ya kawa chlur u pynyoo nia ya ki pulit Assam heipor Election

August 24, 2026

Da khang wow pynman yakhih hapoh u pood ka yung krehkaam u DC ha Khliehriat

August 24, 2026