Ka yung krehkaam ka District Sports Officer, East Jaiñtia Hills District deiwa ya krehlang wa ki bor District deilang ka District Sports Promotion Society, ynne ka sngi da pynkup burom ki ya kiwa yoh Medal hapoh ka jylla kiwa napoh ka District ha ka Inter School Athletics Meet 2025 ha ka yalang wa da pynman ha Conference Hall u Deputy Commissioner ha Khliehriat.
Da ya emlang ha kani ka sngi deilang wa ka MLA ka Sutnga- Saipung, ka Santa Mary Shylla kam ka kongsan chirup u DC, u Shivansh Awasthi, ka DSO, ka S.M. Rapsang wa kiwi de nadooh ki Coach.
Neiliang ka kongsan da pyntip ko wa da em i thmu wow wanrah ya ka Swimming Pool hapoh ka District wei da pynsñiaw ko leh yei kmen wa da pyndep yei chna ya ka Squash Court wa em ha ka Khliehriat wei ya ka soskular MoU wow e kti noh ya kani ka thaw yalehke wa da soi ka ynne.
Neiliang u DC da pyntip u wa da thmu wow pynman leh ya ka nyngkong dooh ka East Jaiñtia Hills District Games ha u January næ February 2026 deiwa wa em 12 tylli ki jait yalehke yow man ko leh kam ka rynsan yow pynkhreh ya ka National Games 2027 kawa daw pynman ha Meghalaya.
Discussion about this post