theme-sticky-logo-alt
theme-logo-alt
Advertisement ad1

Yoh ka Khynroo Khyllood Committee Mukhla Nongrim ya ka District Best Youth Club Award

Advertisement ad1

Ka yung krekaam yong ka Nehru Yuva Kendra Sangathan-West Jaiñtia Hills District Jowai lyngba ka Ministry of Youth Affairs & Sport ka sorkar India kam chibynta wow e mynsien ya ki khynroo khyllood wow pynku ya ka chnong ka thaw wa ka imlang sahlang da saam ko ya ka Best Youth Club Award yong u snem 2021-22.

Ya kani ka Award ha uni u snem da e cha ka Khynroo Kyllood Committee Mukhla Nongrim ryngkat wa ka song poisa T. 25,000 lynba ki kaam wa bha wa da leh ko. 

Ya kani ka Award da saam da u Deputy Commissioner ka West Jaiñtia Hills District, u Garod LSN Dykes ryngkat i emlang wa u D. Rapsang, District Youth Officer (DYO) ka NYKS Jowai.

Neiliang yong u DYO da kyntu u ya ki khynroo wow wan chakhmat ha ki kaam wa bha wow kyntu kynrong ya ka imlang sahlang, da e khublei u leh ya ka Committee wa man ko kawi na ki Club kiwa em hapoh West Jaiñtia kawa da chah jied wow yoh ya kani ka Award wow dang kreh chitom chooh chooh ki neibynta ki khynroo kamjooh ya ka chnong ka thaw wa ka imlang sahlang.

Advertisement ad1
Share this:
Previous

Sah sa 27 ngut kiwa dang chah ktah ha Meghalaya

Next

Yoh sikai kiwa chong chnong ka Loomiongkjam kammon wow pynkhlaad yei jhep