Ka Meghalaya Industrial Development Corporation Ltd. (MIDC) da pynbna ko yei yoh ko yei tipmit kam ka ISO 9001:2015 wa ISO 14001:2015 Certification, iwa pynyoo yei bha i miat pynkrehkaam yaka wei kawa man leh kiwa kheiñkor yaka ramaw.
Ka MIDC toh du ka donhi na ki Public Sector Undertaking (PSU) namo ka karkhana ka sorkar Meghalaya kawa da yoh ya waroh ar kini ki Certificate wa pynyoo wa em ko ya kitæ ki International Standards hei pynkrehkaaam yaka khlem da ktah yaka ramaw.
Ka ISO 9001:2015 Certification toh kawa pynsakhiat yaka Quality Management System (QMS) ka MIDC iwa pynyoo yei smat u krehkaam nadooh wow e thaw, u pynbiang ya ki ram ya kiwa chna yung, kiwa chna tei ya ki yung krehkaam iwa dang bha dang miat katwa dang lai ki por.
Ka ISO 14001:2015 Certification toh neibynta wow pynyoo yei em i kitkhlieh neibynta ka ramaw deiwa pynkrehkaam yaka Environmental Management System (EMS) katkam ki kyndon ka ISO yow lait u chah ktah ka ramaw.
Neiliang u James P.K. Sangma, Chairman ka MIDC da pynsñiaw u yei kmen wa da yoh ya kini ki ISO Certifications, deiwa ong wa kam kawi na ki Corporation wa da rim dooh ha Meghalaya, da emkaam bha wow yoh ko ya kini ki ISO Certification yow pynsakhiat yeiwa chimkhia neibynta ka ramaw.
Da ong u leh wa nadooh wa man u kam u Chairman la chi snem kattu, da pynkrai ya ki kaam wa leh najrong iwa da leh chwa yow pynkhlan yei bor ka Meghalaya nadooh ki kaam wa yatoh wa ki karkhana deilang wa i kaam khayi pateiñ.
U D.D. Nongmalieh, Managing Director ka MIDC won da ong u wa kini ki ISO Certificate ym man ki du kam wow ye u poi cha ka kyrdan tangwa yow em katæ ka rukom krehkaam kawa bha wa miat ha waroh ki liang.
Discussion about this post