Ka chnong Namdong-B da yoh ko da ka thlu-um (Drinking Well) lyngba ka SAG Scheme 2018-2019 wa e yarap da u MDC ka Mynsngat-Khanduli Constituency, u Dawan Lyngdoh wei da wai paidbah ya ka ynne ka sngi.
Kani ka thlu-um em ko ha Dong Pohkseh ka chnong heiwa ha kani ka sngi hajrong u MDC da emlang u Waheh Chnong, u DS War, u Asst. Waheh Chnong, u Pius Ksoo, u Secretary Chnong, u Apostol Shadap wa kiwi kiwi.
Neiliang kiwa kitkaam chnong da pynsñiaw ki yei mynsien wa sñiawngooh ya u MDC wa da smat u wow kreh wei wow e yarap katwa joh i bor yong oo samen kam u MDC neibynta i myntoi kiwa chong chnong khamtam wa yatoh wa ka umbaam umdih kawa man ka bynta wa kongsan tam ya ki paidbah.
Da e ki leh yei kitbok ya ka chnong waroh kawi khamtam ya u MDC wow yoh u ya i doh i pran wa chait wa khlan wow dang ye u wow wanrah ya ki kaam pynroi ha ka chnong ka thaw waroh kawi
