15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Daw liar ya u pood ka Assam-Meghalaya da iwi: Himanta Biswa Sarma

Advertisement ad1

I yaklam hapyrdi ki ar montri rangbah wa kynthup ya u Conrad Sangma wa u Himanta Biswa Sarma wow yaklam pynbait ya u pood hapyrdi ka Assam wa ka Meghalaya, ynne ka sngi da man ko ha nongbah Shillong heiwa da rai ki wow kreh palat bar ya ki rai wa da chim ha ki por wa dadep.

Hadien ka yalang hawa yaklam wa kiwa pathai khubor, neiliang u montri rangbah ka Assam, u Himanta Biswa Sarma da ong u wa da poi cha i jooh i sñiawthooh wei katni emkaam wow lai palat palat ya ka Status Quo ya kawa da rai da ki montri rangbah warim ki ar jylla tangwa ha kani ka kynti ye u ong wa ki paidbah ka Meghalaya wa Assam wa katni da em sakhiat i raikut na ki ar liang wow pynbait noh ya ini waroh.

Advertisement ad1

U Himanta da ong u leh wa da jied ya ki 12 tylli ki thaw kam kiwa em kajia wei da pynchong yurim ya ki katkam ki parom warim (Historical Fact) wa kiwi kiwi ki yukheiñ wow bichaar heiyi næ ha kawon ka jylla haap ki.

Da ong u leh wa neiliang ka Assam da pynbiang ko leh ya ki kot kam ka sabut wa kini ki thaw toh i yong ka Assam yeiwa ka Meghalaya ymye ko wow kamtre kamtæ emkaam ya i rai wow chim wei wow e (Give and Take).

Chooh chooh da ong u leh wa waroh kini ki 12 thaw emkaam wow yaklam yillu ya ki iwi pa iwi wei manda chemdien yei tre daw suk u pynbait noh ya i kaam deiwa kdaw leh wa daw em ki por wa daw emkaam leh yei em ka sorkar India katkam ka riti synchaar ka ri ya iwa daw raikut da ka Parliament.

Hajrong ini neiliang u Conrad Sangma da ong u wa ki paidbah wa im ha khappood ki ar jylla da chem chitom ki da slem bha wei ini da wanrah i yei sñiawthooh bakla wa i awri awra katwa kamtæ da toh i por wow chong pyrkhat noh wow chim ya ka rai wa khaddooh.

Da ban joor u wa ki kaam wa da sahteiñ da ki phaw snem, ymye wow pyndep ya ki du ha ki kattu katni sngi neibhah wa daw emkaam ya i puræ bniah, wow yachem wa ki bru kiwa chah ktah wei wow pait ya i man i long ki thaw.

Heijooh i por da ong u wa katkam ki parom nynde wa ki kot ki sla warim ymye u rai khaddooh ya i kaam kamtæ emkaam wow lai katkam wa yah i por.

Kani ka yaklam ynne ka sngi ympu ye u chim ya i rai wa paka wei daw chong yaklam biang ha nongbah Guwahati ha ka 6 Naisaphra.

Hawa kylli heiyatoh ka Give and Take, u Biswa da ong u wa da iwi i kyntien ye wow ong wa daw liar biang da iwi ya u pood.

Share this:
Previous

Pynman ka Padu Dispensary yei e tika wa i pynsñiawthooh paidbah

Next

Yoh ka Namdong-B da ka thlu-um lyngba u MDC