15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh ka Nongtalang Mission yei pynche hajrong ki kaam poisa waka Digital India

0 Comments
Advertisement ad1

Jowai: Ynnin ka 15 tarik ha chnong Nongtalang Mission da pynman ya ka pynsñiawthooh paidbah hajrong ka kaam poisa poilaiñ waka Digital India.

Ha kani ka sngi da yoh yei klam pynche na u Jiayur Rahman uwa man kam u Branch Manager yong ka State Bank of India, Amlarem. Uwa da klam pynche chaphang ki Loan wa ki rukom thap poisa wa boon jait wa em ha ki Bank. Da yoh leh ya i klam na u V. Khonglah uwa klam hajrong ka phang ki Social Security ha ki Bank.

U Thomlin Nongpoh uwa pynlai ya ka Community Service Centre (CSC) haka chnong Nongtalang da batai che u chaphang boon ki laad yarap kiwa ki paidbah ye ki u yoh lyngba kini ki CSC, kiwa nachwa wa tip kam ki Rainbow Service. Da ong u wa katni ye u wai ya ki Bank Account wei kamjooh leh wow yoh ya ki chakri kiwa yoh na ki Bank hapoh ka chnong hi lyngba ka CSC.

Hadien da yoh leh ya i klam na u Joshua Lyngdoh uwa man kam uwa pait ya ki CSC kiwa yatoh wa e-Governance, ka Digipay, ka Telelaw, ka Telemedecine wa ka PMGDISHA. Ka e-governance toh kawa e yarap lyngba ki CSC wa ki paidbah ki ye ki u wow yoh yarap kam wow yaleh Schedule Tribe Certificate wa kiwi kiwi. Ka Digipay ka yarap ko wow su ya ki emkaam kam ka bai yaleh Entrance Test wa kiwi kiwi. Ka Telelaw ka yarap ko hawa toh wa ki kaam aiñ wa ki laad yoh yarap neibynta ka chait i khiah lyngba ka Telemedicine.

Kini waroh ye wow yoh deiwa psiah ha ki CSC kiwa em ha ki chnong ki thaw wei lyngba ka PMGDISHA won kiwa chong chnong kiwa em ha i rta 18 hadooh 60 snem u yohlaad ki wow yoh ye chah sikai wow pynemkaam Computer.

Hawa yatoh wa kani ka Scheme neiliang yong u Waheh Chnong da ong u wa ka chnong daw pyrkhat wow phah ya kiwa kwah yoh sikai Computer khnang wa ka chnong yong ki ka Nongtalang Missiong u yoh ko yei naam Digital Village.

Hadien ini da yoh yei klam na u H.H. Mohrmen kam u bru chemphang uwa da klam yei emkaam wow pyllang poisa ha Bank, u tip wow pynemkaam ya ki Bank wow tip leh kammon wow yada nei chah thok chah chukor deiwa ym jooh hoi wow e ya u PIN Number cha kiwon kiwon wei ym toh wow ngait ya ki e-mail wa ki SMS kiwa thok kiwa phah du wow yoh u sai tooh ya ka poisa kawa ki paidbah ki em ki ha ki Bank.

Da yoh leh yei klam e khublei na ka Ameecia Pariat kawa man ka District CSC e-governance West Jaiñtia Hills District.

Share this:
Previous

Khlaad noh u Stelin Shylla

Next

Chah pynyap 2 ngut kiwa suba nong lute ha EGH