Kam chibynta wow lehkmen ya ka World Music Day ynnin ka sngi, u Montri Rangbah ka jylla, u Conrad K Sangma, da lai chimbynta u ha ka nyngkong dooh ka Hello Meghalaya Music Awards wa da pynman ha SRTG Ground, Polo, Shillong.
U Conrad hawa e yei klam da kynmoo u yei por wa oo leh man u kam uwi uwa tem wa put wei kwah u wow e mynsien ya kitu kiwa em ha ka luti wow pynyoo yei sap i tap yong ki nadooh kiwa chna sur, kiwa rwai, kiwa chna phlim, kiwa yaleh Sports wa kiwi de deiwa khana leh yeiwa da leh ka sorkar wow e yei kyrchaan cha ki khynroo khyllood ka jylla.
Da klam u leh yeiwa krehkaam ka Hello Meghalaya kawa da sdang da ka sorkar heiwa da em palat 5 lak ngut kiwa da pynemkaam ka kawa man ka rynsan ya kitu kiwa em sap ha kiwa boon ki jait kaam. “Ka thong kattu toh wow wanrah ya ka Film City wa ka Film Institute ha Shillong yow kyrchaan ya kiwa em yei sap,” da ong u Conrad.
Da pynchlur u leh wow chna hi da ki yong idæ ki jait sur wei da emkaam leh wow e sikai kammon wow tip u puræ wei wow thoh yei sur wei iwa emkaam toh wow yoh yei hun mynsien hawa leh yeini waroh.
Ha kani ka sngi da saam ki khunaam neibynta ka Best Folk Song, Best Pop Song, Best Hip-Hop/Rap, Best Gospel Song, Best Collaboration, Best Music Video, Best Original Soundtrack, Best Inspirational Song, Icon of the Year, Best Rock Artist, Best Independent Artist of the Year, Best MGMP, Best Female Artist, Best Male Artist, Emerging Artist of the Year wa Song of the Year.
Yei naam Icon of the Year da e cha ka Reble kawa man kawa rwai Rap kawa em yei chnong tre na Nangbah, West Jaiñtia Hills wei kawa da bna naam katni hapoh ka ri.
Ha kani ka sngi da yoh yei rwai na ki Tarari Kids Choir, u Steve Jyrwa, ki Ahaia, ka Reble, ka Khmih Creative Society, ki Bending Waves Band wa kiwi de.
Discussion about this post