Yoh ka Tura ya ka kari lum sarok | Daw pynlut sa Rs. 16 klur kam ka 2nd Phase ka Tura Beautification Project

U Montri Rangbah ka jylla, u Conrad K. Sangma ynne da pynman u yei pynhær ya ka lama ka ri heiwa ya ka lama da pynhær ha u High Mast wa dang dep pynyieñ ha P.A. Sangma Sports Complex, Tura.

U Conrad hawa e yei klam da ong u wa ka Tura toh ka chnong wa ar wa yoh ya uni u chrot pynyieñ lama wa jrong namo u High Mast Flag wei kam uni u daw booh leh ha Jowai wa ha waroh ki District Headquarter ka jylla.

Da khana u leh wa ka Second Phase i chna pynmiat ya ka Tura daw sdang i ym slem de deiwa booh bhah Rs. 16 klur yow chna pynmiat ya ka Tura Bazar nadooh wow booh Street Light, i pynmiat ya ki rood luti syngkieñ wei wow pynklla dur leh ya ka Tura Super Market.

Ha ka Third Phase won u chna pynmiat ya u sarok nadooh na laad Araimile hadooh wa poi ha u P A Sangma Road wei daw pteiñ leh ya ka Paint My City Campaign yow niaam rong ya ki kynroh wa kiwi de ki thaw paidbah.

Related posts

Yap ki 18 ngut na ki 3 pateiñ kawi ka manyung hei iñ ka Bus kiwa na Hyderabad ha Medina

November 18, 2025

Ha ka sien wa nyngkong daw wanrah ya ka FIFA World Cup Trophy ha Northeast India

November 18, 2025

Heiyatoh wa ka thaaiñ Dakopgre da ong u wa da sdang chna ya ka Additional Secretariat kawa man leh ka thaw wa em ka MPSC Office Building wei heithaw wa jooh em ka Orchid Hotel warim, daw chna da ka 5 Star Hotel wa nyngkong ka Tura, kawa daw chna da ka Hilton Group wei kani daw chimpor 24 bnai u chna.

Yow pynkhreh ya ka National Games ha u 2027, da ong u wa daw chna pynheh ya ka Pa Togan Nengminja Stadium deiwa booh chooh chooh ki thaw chong kiwa pait-ke wei da chna leh ya ka Multi Disciplinary Indoor Stadium wa em hajan ka P A Sangma Stadium wa neibynta ka Sunny Hill Indoor Stadium.

Ha kani ka sngi da pynlait leh ya ka kari wa lum sarok kawa da e cha ka Tura Municipal Board.