Hadien wa da mih i dawa da slem na Garo Hills, ynne ka sngi neiliang u Montri Rangbah ka jylla, u Conrad K. Sangma da wai u ya ka yung krehkaam wa thymme ka Meghalaya Public Service Commission (MPSC) wa em ha Dakopgre, Tura, West Garo Hills.
U Conrad da ong wa nachwa kiwa na Garo Hills hap ki wow pynlut 10-15 kynta dei miet yow lai luti cha Shillong yow yaleh Exam wei em ki por da ngiah bha ki wei em leh mar ya poi ha Shillong sak hap lai thoh Exam ki. Kattu deiwa em kani ka yung krehkaam ka MPSC ha Tura hadooh ki Interview leh da leh pyn heini hi.
Kamtæ da yooluti u wa ini daw yarap ko ya kiwa boon kiwa yaleh kreh wow lehbha ki.
U Conrad da pynbna u leh wa ka Exam wa nyngkong ka MPSC ha Tura u pynman ha ka 14 tarik uni u bnai. Da ong u wa ka sorkar leh daw wanrah ko yeini i jooh chapoh Jaintia Hills yow man salonsar ha waroh kawi ka jylla.
Ynne hi ka sngi, u Conrad da lai pait u leh yei chna ya ka Additional Secretariat Complex, Tura heiwa da chimbynta u wow theh khyndaw-bilat ya u chrot wa nyngkong.
Discussion about this post