Kam chibynta wow pynsuk ya kiwa chong chnong ka Umkiang yow ye ki wow pynkit ya ki mar yong ki kamjooh yow pynku ya ka khayi pateiñ deilang wow myntoi ki warep wariang, da chna ya kawi ka sarok chnong (Internal CC Road) ha Apha, Umkiang, East Jaiñtia Hills District da ka poisa napoh ka District Mineral Foundation (DMF), Scheme ka East Jaiñtia Hills District yong u Financial Year 2025-26.
Ya kani ka sarok da wan wai ka ynne da ka MLA ka thaaiñ, ka Santa Mary Shylla deiwa emlang u Deputy Commissioner ka East Jaiñtia Hills District, u Manish Kumar, u waheh chong ka Umkiang, u Lasting Pala deilang wa kiwa chong chnong.
Ka Santa hawa e yei klam da ong ko wa uni u sarok toh uwa da chna hei lut wa Rs. 40 lak wei daw pynsuk u wow lai cha ki thaw rep deiwa pynkynmoo leh wa da leh kam ini i jait yow pynku yei sumaar deiwa pynchna ya ka Umkiang PHC lyngba ka DMF Scheme.
Da khana ko leh chaphang ka Vibrant Villages Programme (VVP) ka sorkar pyrdi heiwa da kynthup leh ya ka chnong Umkiang hapoh kani ka Programme wei manda dep ya ki kot ki sla da yooluti wow yoh ka Umkiang Rs. 3 klur lada chah jied ko.
Discussion about this post