Ka jylla West Bengal da yoh ko ya uwa nyngkong dooh hapoh ka jylla wa em ya u khñiang COVID-19 uwa dang lai puræ, uwa dang khynroo wei uwa dang liwan na United Kingdom heiwa da pyntikna lyngba ka Test wa yoh u ya uni u khñiang ynnin ka sngi.
Ya uni da booh ya oo heithaw chong kset (Isolation) ka Infectious Diseases and Beliagtha General Hospital, Kolkata.
Uni u bru toh uwa poi chapoh ka ri India haka 15 tarik uni u bnai wei da yabi u chajan le ngut ki bru wa kynthup yaka bei wa u pa u wa uwa wa yah kari yaki.
Neiliang ka Ministry of Health & Family Welfare hadooh 9:00 waje i step ynne, da pyntikna ko wa da ku kiwa yoh ya u khñiang cha ka 147 ngut naka 137 ngut ynnin i miet wei ym em kynthup lang ya kiwa da chait.
Ka jylla Maharashtra man ko kawa chah ktah dooh kawa em 41 ngut wa yoh ya uni u khñiang wa kynthup ya 3 ngut ki baar ri, Ka Kerala da em 27 ngut wa kynthup ya 2 ngut ki baar ri, ha Uttar Pradesh 16 ngut wa kynthup ya uwi u baar ri, ha Haryana da em leh 16 ngut heiwa 14 ngut toh ki baar ri. Ka thaaiñ Northeast toh kawa dang lait na uni u khñiang hadooh katni.
Discussion about this post