Yoh ka West Jaiñtia Hills ya kawa heh dooh ka Pass Percentage ha ka SSLC 2024

Ki khynnah ka West Jaiñtia Hills District da lehbha ki ha ka Secondary School Leaving Certificate (SSLC) Examination, 2024 wa pynman da ka MBOSE heiwa ha ka Result wa da pynbna ynne, ka District da yoh ko ya ka Pass Percentage wa 78.34% kawa heh dooh na waroh kiwi ki District.

Ka Pass Percentage deiwa kheiñlang waroh ha uni u snem da man ko 55.80% heiwa na kini 11.43% toh kiwa na West Jaiñtia Hills tangwa kiwa boon dooh toh na East Khasi Hills kiwa dapoi 32.71%.

Ka East Khasi Hills da man ko leh kawa boon dooh kiwa yaleh ya kani ka SSLC deiwa em 12,818 ngut katwa kiwa lait da em ki 9881 ngut iwa man 77.09%, katwa na West Jaiñtia Hills kiwa yaleh da em ki 4409 ngut wei kiwa lait da em ki 3454 ngut iwa dapoi 78.34%.

Ka West Garo Hills kawa em hei wa ar wa boon dooh kiwa yaleh kiwa da em 10,604 ngut, kiwa lait da em ki du 4,524 ngut iwa mut 42.66%.

Related posts

U pynlut ka sorkar Rs. 70 klur yow chna ya ka Living Root Bridges Experience Centre

May 17, 2025

600 Kg samen yoh symbe syiñ ki warep ka chnong Pamra Kmai

May 17, 2025

Ha East Jaiñtia Hills kiwa yaleh da em ki 2208 ngut wei kiwa lait da em ki 1565 ngut iwa da pynpoi ya ka Pass Percentage cha 70.88%.

Kawa duna dooh ka Pass Percentage toh ha North Garo Hills kawa yoh 23.88% deiwa em 1100 kiwa Pass na 4606 ngut kiwa yaleh. Ym du kani, waroh ki District ka Garo Hills ym em poi ki cha ka 50% ka Pass Percentage heiwa ka East Garo Hills da yoh ko 39.95%, West Garo Hills 42.66%, South Garo Hills 35.26% neitæ ka South West Garo Hills 28.41%.

Waroh deilang ka Pass Percentage ha uni u snem dapoi ko 55.80% iwa da ku na u snem 2023 kawa dapoi 51.93% tangwa da hiar hawa nujor wa u snem 2022 kawa em 56.96% kiwa Pass.

Ha uni u snem ka skur Sherwood School, Tura da yoh nyngkong biang ko lyngba u Anuj Chetry uwa da yoh 575 Marks deilang wa 6 tylli ki Distinction.

Ki skur na Jaiñtia Hills kiwa da mih pyrtuid hapoh ka Top 20 Merit List toh ka Shangpung Presbyterian Higher Secondary heiwa u khynnah yong ka, u Dauniwan Sajem da yoh u ha ka 10^th Position deiwa yoh 556 Marks deilang wa 6 tylli ki Distinction neitæ ka St. Mary Mazzarello Girls’ Higher Secondary School, Jowai lynbga ka Hakiru Challam kawa da yoh 17^th Position deiwa yoh 548 Marks deilang wa 6 tylli ki Distinction.

Waroh kiwa da yaleh ya ka SSLC Exam ha uni u snem da em ki 54,134 ngut wei kiwa Pass da em ki 30,208 ngut.