Shillong: Ka Meghalaya Association of Kickboxing Organization (MAKO) da pynman ko ya ka XXII Meghalaya State Level Kickboxing Championship, 2019 ha Mini Indoor Sports Hall, Lumparing, Shillong.
Ha kani ka lympung da wan chimbynta hadooh 150 ngut na East Khasi Hills, West Jaiñtia Hills, Ri-Bhoi District wa West Khasi Hills.
Ya kani ka lympung da wan wai da u Sambormi Lyngdoh kam u kongsan wa u A.S. Kharbuli kam u symbood kongsan.
Neiliang u President ka MAKO u Donny Ranee da pyntip u wa na kani ka lympung ka MAKO daw jied ko ya ki wow mihkhmat ya ka Meghalaya ha ka National Kickboxing Championship ka wow man ha Madhya Pradesh wa ha ka Federation Cup wow man ha Manipur ha u Thohlakhmi 2020.
Da wan wow pynhaap pyrda ya ka lympung da u Narson Khongsit uwa man u Rangbah Shnong ka Lumparing kam u kongsan katwa u Paul Marwein wa man kam u Assistant Secretary ka chnong da man u kam u symbood kongsan.
Ha kani ka lympung ka East Khasi Hills District da man ko kam kawa jop wei da bood sa ka Ri-Bhoi District katwa yei naan wa le da yoh da ka West Jaiñtia Hills District.
Yei naam Best Fighter da yoh da kini hawah:
1. Espiranza Songthiang ha ka 48 Kg Category Point Fighting.
2. Nangtei Shaphrang Nongkynrih ha ka Sub-junior Boys 34 Kg Category Point Fighting.
3. Mewan Pynshngsian Nongrum ha ka Senior Men 65 Kg Category Light Contact.
Discussion about this post