Yoh kem chooh ki pulit ya ki dkhot ka NLCN kiwa na Jaiñtia Hills wa uwi won na Iewduh

Ki pulit ynne da lai rah ki hakhmat ka yung bichaar ya ki 5 ngut ki dkhot ka National Liberation Council of Nongkyndong (NLCN) kiwa da yoh kem ynnin na Khasi Hills wa kynthup ya kawi ka kynthai wa uwi u khynnah wa dang hapoh 18 snem heiwa da phah kset ya ki 8 sngi.

Ynnin waroh kiwa yoh kem toh 7 ngut heiwa na kini 2 ngut toh kiwa na Jaiñtia Hills wei da dep leh wow yoh kem sa ar ngut iwa mut 4 ngut na Jaiñtia Hills kiwa daw lai rah hakhmat ka yung bichaar ha kani ka 18 tarik.

Ynne da kem leh sa ya uwi na Iewduh, Shillong uwa man kam u Area Commander ka East Khasi Hills District iwa mut waroh kiwa da yoh kem da em ki 10 ngut.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ya ka kynthai kawa man kam ka Recruiter and Record Keeper ka NLCU da lai booh cha Ganesh Das Hospital neidaw wa toh kawa punkhon la le bnai.

U khynnah wa yoh kem ynnin da suba ki pulit toh uwa man kam u Chairman kani ka seiñ wei uwa dang puræ Class-X wei da suba leh toh uwa emyatoh wa u heh ka HNLC, u Sainkupar Nongtraw.