Yoh kem drug ka Assam Rifle wa chong dor T. 1.5 klur

Ki chipai ka Assam Rifles ynnin ka sngi da yoh kem drug ki wa chong dor T. 1.5 klur na Tengnoupal Check Post wa em hajan Sita Road Junction ha Manipur.

Ha ini i kem drug da yoh ya i drug WY Tablet wa khia 5.062 kg napoh kawi ka kari Maruti Eeco wa em ya u number MN01-AG-6087 heiwa hapoh da em uwa yah kari wa tip pyrtuid kam u Paogougin Haolai uwa na Senapati deilang wa arngut ki kynthai wa tip pyrtuid kam ka Hatneineng Lhouvum (37 snem) na Senapati waka Hoikhohat Khongsai (33 snem) na Sadar Hills.

Ya ini i kuli WY Tablet da chem napoh ka thaw chong wa em hadien ka kari.

Related posts

Chah tooh sa kawi ka Scooty Yamaha

May 8, 2026

Chah kem 3 ngut ki damok wa lute ya ka Truck ha West Jaiñtia Hills

May 2, 2026

Ya kini ki le ngut da e kti cha ki pulit ka Tengnoupal Police Station yow pynman yaka takit.

Haka 19 tarik uni u bnai won, ki chipai ka Assam Rifles wa em ha Moreh wa ha Tengnoupal da yoh biang ki wow kem drug ha ki ar thaw wei ha iwi da yoh i drug wa chong dor T. 1.22 klur wa ha iwi won T. 1.31 klur.