Ki chipai ka Assam Rifles ha kani ka tayaw wa dep da yoh ki wow kem drugs, kem tiar yasiat na jylla Tripura wa Manipur wa ki dkhot ki seiñ kieñ suloi na Nagaland.
Ha Tripura haka 16 tarik, da yoh wow kem ya kiwa boon ki jait drugs da ki Agartala Battalion ka Assam Rifles deiwa ya krehlang wa ka Excise Department waki pulit ka Tripura wei ki drugs wa yoh kem da chongdor ki T. 12 lak na Lankamura, Mohanpur Sub Div, West Tripura.
Ha Manipur won haka 15 tarik, ki chipai ka Assam Rifles da yoh ki wow kem ya ki tiar yasiat na i thaw rieh ka KNF(N), na i khloo wa em hajan Thingsat, Senapati, Manipur. Ki tiar yasiat wa yoh u kem toh 4 tylli kiwa da chna hi ki 9 mm Pistol, ka wi ka Lathod Rifle wa ki kuli 9mm.
Ha Manipur biang haka 18 tarik, ka Jwalamukhi Battalion ka Assam Rifles da yoh ki wow kem Heroin iwa khia 450 grams wa 23594 tylli ki WIY Tablets kiwa chongdor waroh T. 1.82 klur ha chnong Bhimpadaw, Kangpokpi District, Senapati, Manipur.
Ha Nagaland u dkhot ka ULFA(I) da wan pyndem u hakhmat ka Assam Rifles wa Nagaland Police hadien wa pynman yei kdong ya oo ha Tuensang, Nagaland ha ka 18 tarik.
Ha Nagaland biang da yoh wow kem ya uwi u dkhot ka NSCN (K-Khango) da ki chipai ka Assam Rifles deilang wa ki pulit haka 17 tarik na thaaiñ Kezekie Market, Kohima District ka Nagaland.
