Ki chipai ka Indian Navy kiwa uiñ sonteri da ka jhaad Suvarna haka duriaw Arabian Sea da chem ki ya kawi ka lieñ wa lai khwe kawa yoo phær i rukom lai ko heiwa da pynsangeh ya ka wei da chem palat 300 kg i drugs (Narcotics) na kani ka lieñ khwe.
Ya kiwa em hapoh ka lieñ da li yah cha ka thaw sangeh lieñ wa em ha Kochi, Kerala yow pynman yaka takit.
Da antaad wa ini i drug toh iwa chong dor T. 3000 klur.
Ini da man i iwi na iwa heh dooh i kem drugs kamjooh leh iwa da pynthut yei khayi ya ki drugs ha ki duriaw kiwa mih na rood duriaw Makran kiwa kit cha rood duriaw ka India, Maldives wa Sri Lanka.
Ka Indian Navy da ong ko wa najrong wa chah ktah ki bru nei khayi drugs, yaka poisa wa mih da pynemkaam ha ki kaam Terrorist wa kiwi ki kaam pyrchah yaka aiñ.
