Ynne ka sngi, ki pulit ka East Jañtia Hills da yang khap ki yaki bru wa khayi drugs hadien wa booddien ya ini la 3 tayaw hadien wa yoh yutip ki wa em ki bru wa na Assam kiwa pynemkaam yaka Malidor, East Jaiñtia Hills kam ka thaw wow pynlai yaw yaki drugs chapoh ka jylla.
Kamtæ da yoh kem ya kawi ka kari Celerio (rong soo) kawa em ya u number AS10 A 8308 hadien wa beh yaka kattu katni por heiwa da yoh kem ya ki arngut ki bru kiwa na Karimganj wa Badarpur Assam.
Da yoh wow kem ya 14 tylli ki tadong sabon wa em i drug wa suba toh i Heroin wa khia 991 Grams wa kamwa 10,000 tylli ki dawai kuli YABA kiwa tip leh kam ki World is Yours Tablets kiwa da murieh hapoh ka bonnet ka kari kiwa chong dor T. 60 lak kiwa thmu wow kit cha Khliehriat yow dai ha ki thaw wa cha jan leh kamjooh.
Heiyatoh wa ini da pynngat ya kiwa chah kem hapoh ka aiñ NDPS Act wei da lai chakhmat katkam ka aiñ.
