Ki pulit ka CDO Thoubal, Manipur wa yahkhmat da u Sachidananda Soibam, Addl.SP(Ops) Thoubal deiwa emlang u Inspt. N. Sadananda, OC/Cdo Unit Thoubal hapoh i pait u Dr. S. Ibomcha Singh, SP ka Thoubal da kem ki ya 2 ngut ki ngut ki bru deilang wa i drug Heroin.
Kini kiwa chah kem toh u Khulakpam Jiaoul Haque (19 snem) wa u Labuktongbam Islam Khan (19 snem) kiwa na Sora Mamang Leikai.
Na kini da yoh kem 50 Grams wa suba toh i lakhit Heroin Powder wa song ha ki 4 tylli ki tadong sabon na Lilong Chingkham heipor 4:55 i janmiet haka 12 tarik uni u bnai.
Da kem leh ya kawi ka thuk thuk na ki wei da ekti ya kini waroh cha ka Lilong Police Station.
