15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Yoh kem ka Assam Rifles ya kiwa dai tiar yasiat

Advertisement ad1
Advertisement ad1
Advertisement ad1

Ki chnat chipai ka Assam Rifles wa em ha Mizoram ki Aizawl Battalion, 23 Sector deiwa ya krehlang wa ka Mizoram Police da yoh ki wow kem ya ki 3 ngut kiwa dai tiar yasiat haka 31 tarik u bnai wa dep ha Aizawl.

Ya kini ki bru da yoh kem na Khatla, Aizawl hadien wa da yoh yutip da iwa tikna.

Ki tiar ki tar kiwa da yoh kem toh ka kawi ka Armscor AK22 Rifle, kawi ka .22mm Colt Pistol, 2 tylli ki kuli Shotgun, 5 tylli ki tadong kuli .22mm kiwa da dep pynemkaam wa 100 tylli ki kuli kiwa ym pu em pynemkaam na kini ki 3 ngut kiwa ym em yatoh wa kiwon kiwon ki seiñ kieñ suloi da pyntip ka Assam Rifles.

Kini ki 3 ngut kiwa chah kem toh u F Lalrempuia (21) uwa sah ha Khatla, u Lalremruata (36) uwa na Sihphir Venghlun wa u Lalzadinga (23) uwa naka chnong Khamrang i chnong wa em hajan Aizawl.

Ya kini ki 3 ngut da ekti cha ki pulit ka Aizawl Police Station.

Ha Manipur won, ki Assam Rifles deilang wa ki pulit ka Manipur da kem ki ya uwi u dkhot ka LTT na thaaiñ Yumnam Khunao ka Imphal West district haka 31 tarik u bnai wa da dep wei na oo da yoh ya kawi ka .9mm Pistol wa ki kuli.

Ha Nagalang won, ki Assam Rifles deilang wa ki pulit ka Nagaland da kem ki ya uwi uwa dai tiar yasiat na Sampurre Junction ka Kiphire District haka 30 tarik u bnai wa dep wei na oo da yoh kem ya kawi ka .22mm Pistol wa ki kulit.

Share this:
Previous

Booh naam ka MoRTH deiwa chna hadooh 37 Km u sarokbah ha ka chi sngi

Next

Lai klam Radio u James hei lehkmen dap 4 snem ka 91.1 Mirchi