Kam chibynta wow yakhun pyrchah ya i khayi tooh ha khappood, ka Directorate of Revenue Intelligence (DRI) da pynman ko ya i kynreh ha Delhi wa Agartala pyrchah ya ki damok wa kreh chirup wa kiwa na Dubai wa Bangladesh.
Ha ini da yoh kem ka DRI 29 Kg i ksiar wa ka poisa wa Rs. 2.90 klur ha ka 6 tarik uni u bnai, wei da yoh kem ya uwi katwa dang chimkti u ya ki yusong wa em ki mar khayi tooh wa da phah na Agartala, Tripura. Hawa kynreh ya kini ki yusong da chem 15 kg i ksiar wa wanrah na baar ri wa chongdor Rs 20.73 klur.
Kamtæ da pynman yei kynreh ha Delhi wa ha Agartala wei da yoh sa 14.2 Kg i ksiar wa ka poisa Rs. 2.90 klur wa kynthup leh ya ka poisa Bangla.
Ha waroh da kem 29.2 kg i ksiar wa chongdor Rs. 40 Klur wa ka poisa Rs. 2.9 klur wei da chimkti ya ki katkam ka Customs Act. Da yoh leh u kem ya ki soo ngut ki bru.
Hawa takit da chem wa da rah yei ksiar cha India lyngba u pood Bangladesh ha Tripura, neitæ won da phah kit cha Delhi lyngba ki Domestic Cargo Services dei krehlang ki bru na Dubai wa Bangladesh wa ki dukan thoo ksiar ha Agartala.
Discussion about this post