Ki bru ka Directorate of Revenue Intelligence (DRI) hadien wa em wa pyntip deiwa tikna da kem ki ya 3 ngut wa kynthup ya kawi ka kynthai kiwa wan na Bangkok deiwa hiar ha Kempegowda International Airport, Bengaluru ha ka 22 tarik uni u bnai.
Hadien wa wai ya ki synduk (Checked-in Baggage) yong ki, da chem ya 18 tylli ki jait mrad (4 tylli ki jait chrieh wa 14 tylli ki jait pseiñ) wei da yarap wow kem ya kini da ki bru ka Karnataka Forest Department. 10 tylli na kini ki jait mrad toh kiwa em hapoh ka Appendix II ka CITES; wei da khang wow chalan da kiwa dang im wa kamjooh ki bynta yong kini ki mrad katkam ka aiñ Wildlife (Protection) Act, 1972 wa kynthup ya kitu ki mrad wa em hapoh ka CITES (the Convention on International Trade in Endangered Species of Wild Fauna and Flora). Ya kini ki mrad da kem katkam ki kyndon ka aiñ Customs Act, 1962.
Deiwa takit ya kini kiwa chah kem, neiliang ki bru ka Karnataka Forest Department wa u heh ka WCCB Chennai, da lai kem ki sa 139 tylli ki mrad wa kynthup ya 34 tylli ki jiat wa em hapoh ka CITES na kawi ka Farmhouse wa em ha Bengaluru kawa da pyenkaam yow booh ya kini ki mrad wa chah chalan tooh.
Kini ki bru ym em ki leh ya kiwon kiwon ki kot ki sla wa biang wa toh u yoh naka Ministry of Environment Forest and Climate Change (Wildlife Division).
Da pyntip leh wa ya kini ki mrad ki wym toh kiwa em hapoh ka ri da dai da thied lyngba u WhatsApp wa kiwi ki rynsan Social Media.
Kini ki mrad wa da yoh kem man ki leh kiwa yaar bha u chem wa kynthup ya ki Yellow & Green Anaconda, Yellow Headed Amazon Parrot, Nile Monitor, Red Foot Tortoise, Iguanas, Ball Pythons, Alligator Gar, Yaki Monkey, Veiled Chameleon, Racoon Dog, White Headed Piones wa kiwi kiwi de wei da e kti ya ki cha ka Bannerghatta Biological Park.
Da kem leh ya 4 ngut ki bru kiwa emkti wow chalan tooh ya kini ki mrad chapoh India wei ka takit dang lai ko chakhmat.
