Yoh kem ka HYC ya uwa dai drugs ha chnong Umlaper, East Jaiñtia Hills

Ka Hynñiewtrep Youth Council (HYC) Narpuh Circle deilang waka chnong Umlaper wa em ha East Jaiñtia Hills, ynne i step da yoh ki wow kem ya uwa khayi drugs uwa em 22 snem i rta uwa na chnong Khliehriat.

Ya uni da chem heipor wa Inject drugs u ha iwi i yung wa dang chna katwa dang yang u ya ki bru wa thied drugs.

Nyngkong da mut toh uwa dih drugs tangwa manda kynreh oo da chem ya boon tylli ki tadong khian wa song drugs deilang wa ar tylli ki thyrnia, ka poisa wa kawi ka tari.

Neiliang ka seiñ da thang syndon ko ya ini i drugs wei da maham leh ya uni u bru wa lada neini chakhmat dang chem biang ya oo daw pynchitom katkam ka aiñ.

Ka seiñ da ong ko leh wa daw pynjoor ko yei kynreh drugs nadooh ya kiwa dih wei kamjooh leh kiwa dai drugs ha ka thaaiñ waroh kawi wei da khut leh ya ki dorbar chnong wow ya krehlang ki yow pyndooh jait yeini i kaam wa da ktah ya ka imlang sahlang.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Da pyntip leh wa uni u bru toh uwa wan dai drugs cha kiwa yah Truck wei kani ka chnong da em ko leh ha i thaw wa em ka Amrit Cement.

I pyntip na u Publicity Secretary, u Dismit Sumer uwa man leh u President ka Narpuh Circle.