Jowai: Ka Jaiñtia National Council (JNC) waka Jaiñtia Youth Federation (JYF) East Jaiñtia Hills ynne ka sngi ha i por kamwa 01:00 waje i sngi da yoh ki wow ksoh ya ar tylli ki truck kit masi tooh ki wym em ki challan kiwa biang kiwa lai lyngba u surok bah, wei ha kini ki ar tylli ki truck da em hadooh 57 tylli ki masi wei ya kini ki masi da suba joor toh ki wow kit pyrchah yaka aiñ cha Bangladesh khlem em ki kot ki sla kiwa biang, da pyntip u Allmiki Ryngkhlem, VP ka JNC.
Ka JNC waka JYF-EJ mar ya yoh ki wow ksoh ya kini ki ar tylli ki truck kit masi da pyntip ki wut wut cha u SP ka East Jaiñtia Hills wei ki pulit khlem da pynslem da poi ki wut wut wow kem ya kini ki truck kit masi.
Neiliang yong ki ar seiñ da kyntu ki leh ya ki bor yong ka aiñ wa ym toh u pyllait ya kini ki masi lada ym pu yoh pynbiang ya ki kot ki sla kiwa emkaam da ki tre yow pynsakhiat wa kini ki masi toh u pynpoi cha ka thaw wa toh u pynpoi katkam ki kyndon yong ka aiñ tangwa lada ki tre ym ye ki u pynbiang ya ki kot ki sla kiwa biang toh u pynchitom katkam ki kyndon yong ka ain da ong u J. Pala President JYF-EJ.
Also Read: Ujor ka JNC cha u SP ka WJH wa EJH pyrchah yei khayi masi tooh
Discussion about this post