15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yoh kem ka JSU-WJC ya 2 ngut ki nong Bangladesh na Bakur, WJH

0 Comments
Advertisement ad1
Advertisement ad1

Jowai: Ka Jaiñtia Students Union-War Jaiñtia Circle (JSU-WJC) ynnin i janmiet ka 9 Tarik hapoh i yahkhmat u President ka chnat, u Eddy Kerry Pohtam ryngkat u Secretary u Kerrydiam Lamin wa u Sports Secretary u Erickson Khonglah chirup wa ki paidbah ka Dawki da kem ki ya ki 2 ngut ki nong Bangladesh na Bakur.

Na kini ki bru da yoh ya ki Mobile wa em ki Sim Card wa ki poisa ka ri Bangladesh wei heipor 5:00 waje i janmiet da ekti ya ki ha Dawki Police Station.

Advertisement ad1
Advertisement ad1

Neiliang ka seiñ chirup wa ki pulit hei miet won da pynman ki yei uiñ sonteri nadooh Dawki chadooh Darrang.

Hawa yaklam wa u Addl. SP ka West Jaiñtia Hills u Bijay Chhetri da pyntikna u yeini i chah kem ki 2 ngut ki nong Bangladesh ya kiwa da pynngat hapoh ka kyndon Section 14 yong ka Foreigners Act 1946.

Heiyatoh wa i chah kem sa uwi tawon u bru wa uiñ ha khappood ha Dawki, u Bijay da ong u wa da pynlait noh ya oo neidaw wa man u u bru uwa duna hei bor pyrkhat.

Ya kiwi chah kem da tip kam u Mahamod Dildar (18) uwa na Noljuri, Sylhet Bangladesh wa u Mahamod Tharik (19) uwa na i jooh i chnong.

Share this:
Previous

Paan yarap ki pulit na ki paidbah yow tipmit ya iwi i metyap

Next

Phah u Conrad ya ki pulit wow kem ya kiwa khayi mooyong pyrchah yaka aiñ