Jowai: Ka Khasi Students’ Union War Jaiñtia Circle, ynnin ka sngi ka 16 tarik da kem ki ya uwi u baar jylla uwa pyrtuid Md. Joynal Uddin hajrong wa jrong kti u ya kawi ka khynnah wa 14 snem ha Amlarem.
Ka seiñ hadien wa yoh yutip ko ya iwa jia na kiwa ha yung ha sem yong kani ka khynnah, khlem pynslem da thooh ki ya uni u damok wei da chem ya oo hajan chnong Khonglah katwa wa dang mut u wow lai kreh ha kawi ka yung.
Ka seiñ da takit ko ya uni u bru wei hadien da chem yei sakhiat wei da e ya oo yei sneiñ wa eh wei da e kti ya oo cha ki pulit wow leh ya iwa emkaam.
Ka seiñ da pynrem joor ko hajrong i nood uni u baar jylla wow jrong kti ya ki khynnah kynthai yong i wei ka seiñ da maham joor ko leh ya waroh ki dorbar chnong hapoh War Jaiñtia wa ym toh de wow e laad ya ki baar jylla næ ki mynder ri wow wan chong wan sah hapoh u pood u ang yong ka War Jaiñtia wei lada chem wa ki leh ki ya kiwon kiwon kaam kiwa man pyrchah ya ka imlang sahlang, ka seiñ ym chong kli kti ko wei daw leh ko ya iwa emkaam wei kiwon kiwon kiwa pyrchah daw hap chim hi ki ya ka kitkhlieh lada jia iyi iyi.
Discussion about this post