Yoh kem ki BSF wa ki pulit 9.46 kg i Heroin wa song hapoh 764 tylli ki tadong sabon

Ha iwi na i kem drugs wa heh dooh ha Assam, ki chipai ka 7^th Battalion ka BSF (M&C Frontier) wa ki pulit ka Karimganj, Assam da yoh ki wow kem 9.46 kg i drug Herion na ka wi ka truck.

Ya ini i drug wa da song ha 764 tylli ki tadong sabon da yoh wow kem hei miet ka 10 tarik hadien wa da tip tikna wa em ka truck wa wan na Mizoram kawa kit ya ini i drug heiwa da pynsangeh ya ka da ki BSF wa ki pulit ha Karimganj ha u sarok NH-37.

Hawa kynreh ya kani ka truck da chem ya kini ki tadong sabon kiwa da kynset ha kiwa boon ki bynta kiwa da chna kyrpang.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Uwa yah ya kani ka truck da tip kam u Mahib Uddin wei da kem ya oo deilang wa ka truck kawa em Number AS-11BC-7975 wei dang thooh ya kiwi kiwa emkti wow phah ya ini i drug.

Ya uwa chah kem da pynngat hapoh ka aiñ NDPS.