Ynne ka sngi ki chipai 193 Battalion ka BSF Meghalaya da yoh ki wow kem ya le ngut ki nong Bangladesh kiwa tip kam u Mohibur Rehman (30 snem), u Kudus Miah (25 snem) kiwa na Sunamganj District wa u Mubarak Hossain (16 snem) uwa na Sylhet District ka Bangladesh kiwa da chem hapoh India ha East Khasi Hills District.
Ki BSF hadien wa tip deiwa tikna da yang ki ha le laad ka chnong Dangar wei da yoh ki wow pynsangeh ya kawi ka kari kamai Maruti Alto kawa kit ya kini ki nong Bangladesh.
Napoh kani ka kari da kem leh ya ar ngut ki nong India kiwa da yarap ya kini ki nong Bangladesh.
Hawa takit ya kini ki nong Bangladesh da khana ki wa da psiah ki pyrchah ya ka aiñ chapoh India dei thmu wow lai cha Kashmir (India) yow li thooh kreh.
Ya kini waroh kiwa chah kem da e kti cha ki pulit ka Dangar Police Station, East Khasi Hills yow leh ki yeiwa emkaam.
Discussion about this post