Ki chipai ka BSF Meghalaya ha ka 16 tarik uni u bnai kiwa em ha khappood ka East Jaiñtia Hills District da yoh ki wow kem 980 tylli ki klong dawai ky’oh wa tip kam i Phensedyl kiwa da thmu wow chalan cha Bangladesh.
Yeini da yoh kem da ki chipai ka 172 Battalion BSF hadien wa yoo ya ki bru wa kit mar ha khlieh ha khappood tangwa mar ya oo ki ya ki BSF da ieh ki ya kini ki mar wei da yoh laad ki wow yut chapoh khloo wei da chem chitom wow kdong ki.
Ki BSF hawa kynreh ya kani ka thaw da chem ki ya 980 tylli ki klong Phensedyl wa da mut ki wow chlan tooh cha Bangladesh wei ya kini ki klong dawai da e kti cha ka Customs Office ha Badarpur.
Ha ka 15 tarik won, ki BSF da yoh ki wow kem ya uwi u Bangladeshi uwa emkti wow chalan tooh yei chini cha Bangladesh lyngba ka East Khasi Hills.
Ya uni bru da yoh wow kem da ki chipai ka 4th Battalion ki BSF hadien wa yoo ya ki bru wa kit ya ki mar ha khlieh wa kyntup ya ki Bangladeshi tangwa da yoh wow kem du ya uwi donhi uwa tip kam u Md. Hussain Ahmad, uwa na Sylhet District, Bangladesh uwa da kit leh ya ini i chini katwa kiwi won da yoh ki wow yut chapoh khloo.
Ya uni uwa chah kem da e kti cha ki pulit ka Pynursla Police Station yow leh yeiwa emkaam.
Discussion about this post