Ha ka 18 tarik uni u bnai, ki chipai ka 4 Bn ka BSF Meghalaya da yoh ki wow kem ya kiwa boon ki mar wa thmu wow khayi tooh nadooh ki that wa ki dawai biah khmat.
Kini waroh toh kiwa da chongdor hadooh Rs. 58 lak wei da yoh wow kem na khappood ka Bangladesh waka East Khasi Hills District.
Ki chipai ka BSF da yoh ki wow kem ya kini ki mar heipor miet wei neidaw wa joor u slap, ki bru wa leh ya ini i kaam da yohlaad ki wow yut.
Ya kini ki mar da e kti cha ki yung krehkaam ka Custom wa em ha Pynursla yow leh ki yeiwa emkaam.
Ha iwi won i yoh kem, ki chipai ka 110th Battalion ka BSF Meghalaya, da yoh ki wow kem ya ar tylli ki lieñ dieñ wa soo tylli ki lieñ wa chna da ki nar na ka wah wa em ha Shella wei ya kini ki lieñ da pynemkaam da ki nong Bangladesh yow psiah chapoh India yow tooh moo tooh chyiap.
Discussion about this post