Yoh kem ki BSF ya ki mar wa boon jait nadooh ki Mobile wei rupa napoh ka Shillong-Dhaka Maitri Bus

Ha ka 26 tarik uni u bnai hadien wa tip tikna, ki chipai ka 4th Bn BSF Meghalaya deiwa ya krehlang wa ki pulit, ki Custom waka LPAI, da yoh ki wow kem ya ki mar wa boon jait napoh ka Shillong-Dhaka Maitri Bus kawa kit ya kiwa uiñke suwari deilang wa le ngut ki Bangladeshi kiwa kreh ha kani ka Bus.

Ya kani ka Bus da ksoh ka heipor wa liwan ko cha Bangladesh lyngba ka ICP Dawki.

Napoh kani ka Bus da yoh wow kem yei rupa, ki Saree deilang wa ki Mobile Phone, Headphone wa kiwi de ki tiar Mobile Phone kiwa chongdor hadooh Rs. 48 lak kiwa da murieh hapoh kani ka Bus.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Hawa kylli ya kini kiwa kreh kani ka Bus ym ye ki wow pynyoo ya ki kot ki slai wa thied ya kini ki tiar.

Kamtæ da e kti ya kini ki mar deilang wa ki Bangladeshi cha ka Customs Office wa em ha Dawki yow pynman yei takit.