Ki chipai ka BSF wa em ha BOP Rithingpara, South West Garo Hills da yoh ki wow kem ynne ka sngi ya uwi u nong Bangladesh uwa tip kam u Md Akram (36 snem) u khon u Abdul Gafur uwa sah ha Hariyakona wa haap hapoh ka Sherbordi PS, Sherpur.
Na uni u bru da yoh leh ya kawi ka kait ah nar wa kawi ka Mobile Phone.
Ha iwi tawon i liang, haka 31 tarik u bnai wa dep, ki BSF ka BOP Lyngkhat heipor 2:15 i step da yoh ki wow kem 19 tylli ki masi na BOP Nayabazar, EKH.
Haka jooh ka sngi ki BSF ka BOP Umsyiem heipor 10:10 i miet da yoh ki wow kem ya 10 tylli ki masi na BOP Umsyiem, EKH katwa haka 30 tarik won da yoh ki wow kem 14 tylli ki masi.
Haka 28 tarik ki BSF ka BOP Ryngku da ksoh ki ya kawi ka Bolero Pick-up (ML-05F-1043) kawa kit ya 8 tylli ki masi.
Haka 7 tarik uni u bnai, heipor 12:10 i sngi, ki BSF ka BOP Bordup da yoo ki ya kamwa 3-4 ngut kiwa suba toh kiwa khayi masi kiwa da pyrchang wow pynpsiah ya kawi ka masi lyngba i kær pood wa sih tangwa manda yoo ki yaki bru BSF, da yoh ki wow yut deilang waka masi.
Haka 2 tarik uni u bnai, ki BSF ka BOP Pyrdiwah hiepor 10:35 i miet da yoh ki wow kem ya 3 tylli ki masi na BOP Umsyiem, EKH.
