Ar ngut ki bru na ka ri Zambia kiwa poi haka T-3, Indira Gandhi International (IGI) Airport, New Delhi, kiwa wan na O.R. Tambo International Airport, Johannesburg, lyngba ka Doha da ka Qatar Airways Flight Nos. QR 1366 da chah ksoh ki ynne ka sngi da ki bru ka Custom ka IGI Airport hadien wa kaap ki ya u Green Channel chwa wow poi cha ka Exit Gate.
Deiwa booddien ya ki bru wa wan na ki thaw wa em i chalan ya ki drugs, da kylli ya kini ki bru lada rah ki ya kiwon kiwon ki mar wa man pyrchah yaka aiñ heiwa da jubab ki wa ym em. Yow pyntikna ya ini, da phah ya ki wow lai ki lyngba ka Door Frame Metal Detector (DFMD) heiwa ym em chem ya iyi iyi. Da booh won ya ki muna wa kit ki haka X-ray Baggage Inspection Machine heiwa da chem wa em ki tiar wa rap phær.
Kamtæ hawa wai ya ka muna da chem ya mar 7 kg kiwa khia waroh 14 kg ki yusong wa em ki lakhit kiwa da murieh ha khap ka muna.
Hadien wa Test ya kini ki lakhit da chem toh i Heroin iwa da antaad wa chongdor T. 98 klur heiwa kiwa chah kem da phla ki ya ini i kaam wa leh ki.
