Yoh kem ki paidbah ya le ngut kiwa suba tooh kari

Ynne kiwa chong chnong ka Umthli kawa dang haap hapoh ka Pynursla Police Station da yoh ki wow kem ya le ngut ki bru kiwa suba toh kiwa tooh kari heipor kamwa 9:30 i step deiwa lai pyntip ki cha u OC ka Pynursla PS.

Kamtæ ki pulit da lai ki wut-wut cha kani ka thaw wei da kem ya kini ki le ngut.

Hadien won da yoh ya ka FIR na u Rahul Thapa uwa sah ha ka Goenka Compound deiwa ong wa da booh u ya ka thuk-thuk Yamaha MT 15 wa em Number ML-05AC-4622 ha kani ka thaw tangwa ynne i step heipor kamwa 11:30 da em wa tooh ko napoh ka Compound wei da Register ya ka Case hapoh ka Sadar PS.

Kini kiwa chah kem toh u Pyndapborlang Khonglah (26 snem) uwa chong chnong ka Pynursla, Wah Pathaw, u Bamkerlang Surong (22 snem) uwa chong chnong ka Sohlong, Wahkdait wa u Iohborlang Mylliem Umlong (36 snem) uwa chong chnong ka Lawmei, Khliehshnong.

Related posts

Chah tooh ka Scooty na pchem yung ha Mihmyntdu

March 15, 2026

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

Na kini da yoh ya kawi ka kari Hyundai Nios i10 kawa em Number ML-05Z-5650, ka kari kamai Tourist ka Alto 800 wa em Number ML-05N-4146. Da kem leh ya kawi ka VIVO Mobile Phone, kawi ka Samsung Mobile Phone wa kawi ka Poco Mobile Phone.

Ka takit dang lai ko chakhmat yow chemdien wa lada kini toh kiwa emkti wow tooh leh ya ka thuk-thuk Yamaha.