15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh kem ki pulit ka Assam ya 5 kg i Drug Heroin wa chongdor T. 25 klur

Advertisement ad1

Ha iwi na iwa heh dooh i yoh kem Drug ha Assam, ki pulit da yoh ki wow kem 5 kg i Heroin iwa chongdor kamwa T. 25 klur. Da kem leh ya uwi heiyatoh wa ini.

“Ini toh iwa heh dooh chisien kem ya i Drug Heroin ha Assam. Ini i Drug toh iwa chongdor aw jan T. 25 Klur. Ini man i kam chibynta i yaleh pyrchah yei khayi Drug iwa da sdang nadooh u Naiynru uni u snem,” da ong u Director General of Police u Bhaskar Jyoti Mahanta ynne ka sngi.

Advertisement ad1

Ya ini i Heroin da kem ynnin ka sngi Bibar da ki pulit ka Karbi Anglong District ha khappood Assam-Nagaland naka Truck kawa lai cha Guwahati na Imphal, Manipur.

Ya uwa chah kem da tip kam u Ismail Ali uwa na Jogighopa, Bongaigaon District ka Assam uwa emkti wow chalan ya ini Drug.

Ini toh i sien wa soo wa wa da yoh wow kem Heroin da ki Karbi Anglong Police nadooh u Naisaphra heiwa haka 5 tarik u Naisaphra ki pulit da em ki 649 gm i Heroin iwa chongdor T. 20 lak. Ha ka 1 tarik u Naikhynde da yoh kem 1, 936 gm i Heroin wa chongdor T. 6.5 klur katwa haka 15 tarik u Naikhynde da kem 1 kg 40 gm i Heroin wei da kem leh 3 ngut ki bru.

Ha kiwi won ki kem Drug, ki chipai ka Assam Rifles ha Manipur haka 26 tarik uni u bnai da kem ki ya i Drug Heroin wa ki WIY Tablets wa chongdor T. 6.4 klur na iwi i thaw ha chnong Moltuk, Chandel.

Ki chipai ka Assam Rifles deilang waka Custom Department haka 26 tarik biang da kem ki ya ki 4 ngut kiwa dai Drug (Methaphetamine Tablets) iwa chongdor T. 10 lak na Aizawl, Mizoram.

Haka jooh biang ka sngi, ki Assam Rifles da yoh kem ki na Champhai-Aizawl Road, Mizoram ya 128 gm i drug Heroin wa chongdor kamwa T. 9.8 lak.

Share this:
Previous

I sñiawngooh na ka yung u (L) Tingboy Thma

Next

Chah pynbna Micro Containment Zone ki yung wa em ha Iongpiah, Jowai