Ki pulit ka Assam Police da kem ki ya 3 ngut kiwa da suba toh kiwa na Nigeria ha Guwahati kiwa da psiah chapoh ka India khlem em ki kot ki sla wa biang da pyntip ki pulit ynnin ka sngi.
Kini ki 3 ngut toh kiwa da tip pyrtuid kam u Nnamdi Bernard Nwali, u Prince Paul wa u Eze Collins.
Hawa takit ya kini da khana ki wa da psiah ki cha India na Bangladesh deiwa lai na Tripura, da pyntip u Chief Public Relation Officers (CPRO), ka Bazaricherra Police Station.
Ya kini da kem ynnin ka 23 tarik heipor wa ki pulit ka Bazaricherra Police Station da pynman ki yei sylli ki kari ha Churaibari Checkpoint ha u sarok NH-8 ha Guwahati.
Ki pulit da pyntip ki wa heipor wa paan yaki kot ki sla, kini ki le ngut ym ye ki u pynyoo wot yaka Passport lane ki kot ki sla wa kammon psiah ki chapoh ka ri.
Ka takit dang lai ko chakhmat.
