Ki pulit ka East Jaiñtia Hills da pteiñ ki wow kem ya kiwa khayi drugs heiwa ynne i step da yoh ki wow kem sa 3 ngut ki bru kiwa na Ri-Bhoi District.
Yeini da ye wow leh hadien wa em kiwa da pyntip cha ki pulit ynne i step synyaaw heipor kamwa 2:30 wa ki 3 ngut ki bru daw wan ki na Silchar yow lai cha Umsning da kawi ka kari Maruti 800 wa em ya u Number ML-05D-3783 wei da kit lang ki wa i drugs.
Kamtæ ki pulit da sdang ki wow pynsangeh kari ha Ladrymbai ha u sarok NH-06 wei heipor kamwa 3:00 waje i step dapoi kani ka kari wei da ksoh ya ka heiwa da em 3 ngut ki bru hapoh wei manda kynreh ya kani ka kari da chem ya le tylli ki khieh sabon wa da song ya i drug Heroin iwa khia 32.5 gms.
Kini ki le ngut toh uwa tip kam u Rudolf Franklin Lyngdoh (28 snem) uwa na chnong Umsning, Ri-Bhoi, u Shemphang Lakhiat (29 snem) na Mawlari Mawkhan, Ri-Bhoi wa u Aibankyrshan Kharlyngdoh (24 snem) uwa na Umsniang, Ri-Bhoi.
Na kini da yoh leh wow kem ya 3 tylli ki Mobile Phone deilang waka poisa wa T. 54,150.
Ya kini da pynngat hapoh ka aiñ NDPS Act wei da pynman ya ka takit da ki pulit ka Khliehriat Police Station wei dang thooh ya kiwi kiwa emkti ha ini i kaam.
