Ynnin i janmiet ka 19 tarik, ki pulit ka East Jaiñtia Hills deilang wa ki ANTF ka District hawa pynman yei kynreh kari ha Nongsning, da em kawi ka kari Tata Tigor wa em Number TR-01BT-0265 kawa da yut hawa yoo ya ki pulit heipor 5:45 hadooh wa da mut ko wow tyrrah ya ki pulit tangwa da yoh won u ksoh ya kani ka kari hajan Khliehriat Police Station heiwa da chem ya 57 song u bhang wa khia 251.30 Kg.
Hadien wa takit ya u tre kari da khana u wa da em sa le ngut ki lok u kiwa da lai da kawi ka kari Hyundai i20 wa em Number TR-01BW-0231, kamtæ ki pulit da yoh ki wow kem ya kani ka kari ha Kongong, NH-06 deiwa booh da ka thaw pynsangeh kari wei ya kini ki bru da rah cha Khliehriat Police Station.
Kiwa chah kem kynthup ki ya u Joyel Das, u Pronoy Mazumdar, u Gaurav Gupta, u Karnajit Sarkar, u Sujit Sarkar, u Sunil Sarkar, u Tutan Sarkar wa u Sanjit Sarkar kiwa waroh na South Tripura.
Najrong u bhang, na kini da yoh leh wow kem 6 tylli ki Mobile Phone, ka poisa T. 3500 wei da kem leh ya ki kari wa pynemkaam ki.
Ya kini da pynngat hapoh ka aiñ NPDS ha ki kyndon 20(b)(1)(C)/29.
