Ki pulit ka ANTF-East Jaiñtia Hills da yoh ki wow kem ya arngut ki kynthai wei ka wi toh kawa da thooh bha kawa da emkti wei kawa man leh ka heh kiwa chalan drug kawa na Manipur.
Kani ka bru kawa na Manipur toh kawa tip kam ka Kim Khongsai kawa da thooh da ki pulit ka East Jaiñtia Hills heiyatoh wa soo tylli ki NDPS Case heiwa ynnin da tip tikna wa daw lai luti ko na Jiribam, Manipur cha Shillong kamtæ da pynman yei pynsangeh kari da ki pulit ka ANTF deilang wa ki pulit ka Khliehriat heiwa ynne i step synyaw ka 27 tarik heipor 1:00 waje da yoh wow kem ya kani ka bru.
Hawa takit ya ka da phla ko yei pyrtuid ka Rihun Dkhar kam ka wi na kiwa pynbiang poisa ha ka wi na ki Case wa da chah takit ko.
Kamtæ ki pulit ka East Jaiñtia Hills ynne i step da lai ki cha Shillong cha i yung ka Rihun deiwa krehlang wa ki pulit ka ANTF-East Khasi Hills wei hawa kynreh yei yung kani ka bru da chem ya 29.05 gm i Heroin naka wei da e kti ya ka cha ki pulit ka Laitumkhrah Police Station.
