Ki pulit ka East Jaiñtia Hills District hadien wa tip deiwa tikna wa em arngut ki kynthai wa wan da ka kari kamai (Sumo) neiliang Silchar yow lai cheiliang Khliehriat wei daw rahlang ki yei drugs.
Kamtæ ki pulit ANTF deilang wa ki pulit ka Khliehriat Police Station da pynsangeh kari ki ha chnong Nongsning wei da yoh ki wow ksoh ya kani ka Sumo wa em Number MZ-4A-2997 wei na kini ki arngut ki kynthai da chem wa rah ki ya 10 tylli ki khieh sabon wa em Heroin wa chongdor T. 1.6 klur, kamtæ da kem noh ki deiwa emlang ki pulit kynthai kamjooh ki bru paidbah wa da sakhi yeini.
Ya kini ki khlieh sabon da kynset ki hapoh ki sula wa sap ki wei da kem leh ya ar tylli ki Mobile Phone na ki.
Kini kiwa chah kem toh kiwa tip kam ka Hoihoi Lhanghal (35 snem) kawa na Langol District, Imphal West, Manipur katwa kawi won toh kawa tip kam ka Ling Haokip (40 snem) kawa na Langol District, Imphal West, Manipur.
Ya kini da pynngat hapoh ka aiñ NDPS wei ya ka takit da pynman da ka Khliehriat Police Station yow chem ya kiwi de kiwa emkti ha ini i kaam.
Discussion about this post