Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

Ki pulit ka Anti-Narcotics Task Force ka East Jaintia Hills District Police ha ka miet ka 14 tarik uni u bnai da yoh ki wow kem ya uwi uwa khayi drugs uwa man kam uwi na ki bru wa emkti ha ki kaam wow rah drugs na kawi ka jylla cha kawi.

Ya uni u bru da yoh wow kem hadien wa da tip tikna wa daw wan u da kawi ka kari na Silchar, Assam deiwa rah ki mar pynmuaid wei uni u bru da kem hei yahkhmat ka Umkiang Patrol Post kiwa da booh yei thaw pynsangeh kari wei uni u bru toh uwa tip kam u Abdul Rob Laskar uwa khut siñ kam u Munna uwa em 22 snem i rta uwa na Kabuganj, Silchar, Kachar, Assam.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Napoh ka kari Hyundai Venue wa em Number AS-01EJ-8977 wa pynemkaam u Muna da chem 5 tylli ki khieh sabon wa em i drugs Heroin wei da pynngat ya oo hapoh ka aiñ NDPS Act. Ya ka Case won da booh ha Lumshnong Police Station yow takit.

Hadien wa takit ya uni, neiliang ki pulit ka Anti-Narcotics Task Force, Meghalaya da lai kem ki sa ya uwi u bru wa tip kam u Asif Wahlang uwa sah ha Hari Sabha Laban, Shillong.